web da delegación galega do colexio de xeógrafos

Benqueridos/as compañeiros/as

Como ben sabedes, o 18 de Decembro de 2004 creamos a Delegación Galega do Colexio de Xeógrafos. Este tipo de cousas van máis a modo do que todos e todas desexaríamos, por mor de múltiples factores, como poden ser a falta de cartos ou de tempo. Ora ben, consideramos que o importante é ir dando pasos, avanzando de cara a conseguir os obxectivos principais que nos deben mover, e que son, por unha banda, a incorporación efectiva da Xeografía na vida social, política e económica de Galicia, para que sexa quen de ofrecer novas visións, novas análises e sobre todo novas solucións ós diferentes problemas territoriais. E por outra banda, onseguirmos que os xeógrafos e as xeógrafas teñamos o noso recuncho no mercado laboral, sobre todo grazas a que a nosa disciplina está presente en variados eidos de traballo, algúns deles, precisamente, bastante demandados pola sociedade. Malia non contar con tódolos medios que serían precisos, a Delegación está comezando a realizar as súas primeiras actuacións. Polo tanto, poñémonos ó voso dispor en todo aquilo que precisedes, e vos animamos a participar activamente desta “aventura” que debería chegar a ser moi proveitosa para o noso colectivo profesional.

Sen máis, recibide un agarimoso saúdo.

Ignacio Fernández López. Presidente da Delegación Galega do Coléxio de Xeógrafos.

candidatura

Consellos prácticos para a busca de emprego.

Irish day: A (re)view of Ireland", organiza o Centro de Estudos Eurorrexionais Galicia Norte de Portugal (CEER). Máis.

A sede en Galicia da Universidad Internacional Menéndez Pelayo organiza o curso Territorio: Ordenar para competir, que pretende profundar nun debate ó redor do papel do territorio no desenvolvemento e a necesidade de organizar os elementos que o compoñen co fin de mellorar a competitividade e o benestar social. A finalidade é identificar as diferentes variables que interveñen na ordenación do territorio (estrutura administrativa, localización de equipamentos, zonificación dos usos do chan...) e analizar, e ata realizar propostas, sobre a necesidade de xerar instrumentos de planificación e mecanismos de xestión pública tendentes ó favorecemento da competitividade.Neste curso van participar como relatores un número importante de xeógrafos, tanto galegos como do resto do Estado, e o seu director é o noso compañeiro e profesor da USC Román Rodríguez González. Asemade o propio Colexio de Xeógrafos vai estar presente neste curso na figura do presidente da Delegación Galega. O curso celebrarase entre o 22 e o 24 de xuño de 2009, e a súa sede estará en Lalín, na Aula UNED, do Parque empresarial de Lalín 2000.A matrícula é de balde, previa inscrición. Díptico.

Chafariz nº 33 de Abril de 2009.

Convocatoria 2009 de inscrición na listaxe de peritos/as xudiciais. Máis.

Programación de cursos para o 2009 do Ministerio de Medio Ambiente, Medio Rural e Mariño. CENCA, CENEAM e MARM.

Eco-union, con la colaboración de la Universitat Oberta de Catalunya (UOC) organiza la 5ªed. del curso básico on-line: Ecología urbana y cambio climático. Máis.

O GDR-24 Terras de Compostela ten aberto o prazo de presentacións de solicitudes para cubrir as prazas de persoal técnico que vai desenvolver o programa LEADER 2007-2013. Bases e aclaracións.

Correo postal		Apdo. de correos 41, 15780 Santiago de Compostela (A Coruña)
Tlf.		608 50 44 40

Enviar un e-mail
nome
e-mail
teléfono
consulta

							aviso legal